ქალთა მოძრაობა პროტესტSHE 26 მაისს 18:00 საათზე იკრიბება რუსთაველის მეტროსთან და მსვლელობით მივა თსუ-სთან, სადაც შეუერთდება ოპოზიციური ალიანსის მიერ დაანონსებულ აქცია მსვლელობას.
ამის შესახებ სოციალურ ქსელ ფეისბუქზე განაცხადა მოძრაობის დამფუძნებელმა მარიკა არევაძემ. მისი პოსტი უცვლელად:
“ქალებო, ხვალ მნიშვნელოვანი დღეა და ამ დღეს ჩვენც ჩვენი სიტყვა უნდა ვთქვათ.
მოძრაობა #პროტესტSHE და ჩვენი გულშემატკივრები შევიკრიბებით რუსთაველის მეტროსთან 18:00 საათზე და მსვლელობით გავემართებით თსუ-სთან, სადაც შევუერთდებით ოპოზიციური #ალიანსის მიერ დაანონსებულ აქცია/მსვლელობას.
გელოდებით ყველას 🇬🇪🇪🇺
ხვალ ჩვენი დღეა, დამოუკიდებლობის დღე და ეს დღე ერთად უნდა ავღნიშნოთ”.
ინფორმაციას მოძრაობა პროტესტSHE-ს გუნდი ავრცელებს
