ბლოგერი, ჟურნალისტი ნუკა არველაძე (არა)რიტორიკული შეკითხვებით და კონკრეტული მინიშნებებით მიმართავს ირაკლი კობახიძეს:
“ბატონო ირაკლი კობახიძე, სახელმწიფოს, საქართველოს რაიმე ვალი აქვს მდინარაძის?
მისთვის ცალკე სტრუქტურა და სახელმწიფო ფულის განიავება ახალი სპორტია ჩინ-მედლების მსგავსი?
ციფრული ტექნოლოგიების ეპოქაში კოორდინაციის პრობლემა რანაირად დგას, რომ ამისთვის სახელმწიფო მინისტრის თანამდებობა მოიგონეთ?
და ეს ცვლილება რომ შემთხვევით არ მოხდა ჩემზე კარგად თქვენ იცით!!!
ნუ ანიავებთ სახელმწიფო ბიუჯეტს!!!” – წერს ფეისბუქის პირად გვერდზე ნუკა არველაძე და მიუთითებს ირაკლი კობახიძის მიერ გაჟღერებულ გადაწყვეტილებას:
,,საქართველოს მთავრობის სტრუქტურას დაემატება სამართალდამცავი ორგანოების კოორდინაციის საკითხებში სახელმწიფო მინისტრის თანამდებობა, რომელსაც სუს-ის ამჟამინდელი ხელმძღვანელი მამუკა მდინარაძე უხელმძღვანელებს“.
