ველური ბუნების ეროვნული სააგენტოს კიდევ ერთი საინტერესო მასალა საქართველოს ფაუნის შესახებ – კავკასიური სალამანდრა (Mertensiella caucasica):
❓🦎 იცოდით, რომ საქართველოში ერთ-ერთი ყველაზე იშვიათი ამფიბია ბინადრობს?🐸
კავკასიური სალამანდრა (Mertensiella caucasica) პატარა, მაგრამ გამორჩეული წყალხმელეთა ცხოველია, რომელიც შავი სხეულითა და ზურგზე გაფანტული ყვითელი კოპლებით მარტივად ამოიცნობა.
მისი სიგრძე 19 სმ-მდე აღწევს, ხოლო ამ სიგრძის დიდი ნაწილი კუდზე მოდის. ბინადრობს მთიან ტყეებში, სუფთა მდინარეებსა და ნაკადულებში, ზღვის დონიდან 2800 მეტრამდე.
საქართველოში გვხვდება: ბორჯომის ხეობაში, ზეკარის გადასასვლელთან, საირმეში
აჭარის ზოგიერთ ნაწილში.
იკვებება მწერებით, მათი ლარვებითა და მცირე უხერხემლოებით.
ეს უნიკალური სახეობა შეტანილია საქართველოს წითელ ნუსხაში, როგორც მოწყვლადი (VU).
