საქართველოს საგანგებო და სრულუფლებიანი ელჩი უკრაინაში თეიმურაზ შარაშენიძე, საქართველოს მესამე პრეზიდენტის მიხეილ სააკაშვილის უკრაინაში ერთ-ერთ თანამდებობასთან დანიშვნის გამო კონსულტაციებისათვის გამოიწვიეს. დიპლომატი ამ დრომდე კარანტინში იმყოფებოდა და როგორც ელჩმა აღნიშნა, დღეს ის მივიდა საქართველოს საგარეო საქმეთა სამინისტროში და დაიწყება კონსულტაციები:
„დამთავრდა კარანტინი, მოვედი კონსულტაციებზე, მიზეზი თქვენთვის კარგად არის ცნობილი. ახლად შექმნილი რეალობიდან გამომდინარე, ორ პარტნიორ ქვეყანას შორის არსებული თანამშრომლობის ყველა საკითხს განვიხილავთ. დღეს დაიწყება კონსულტაციები და როდის დამთავრება ვერ გეტყვით.
მე რაც ჩამოვედი, სულ მაგას გეუბნებით, რომ მქონდა კომუნიკაცია უმაღლეს დონეზე, უკრაინის და მოგახსენეთ უკვე, რომ გადავეცით საპროტესტო ნოტა, პროტესტის ფორმად არჩეული იქნა ელჩის გამოწვევა კონსულტაციებზე, ჩამოვედი და დღეს ვიწყებთ ამ კონსულტაციებს. ჩვენი ეს პროტესტი როგორც სტატეგიულმა პარტნიორმა მიიღო და არ გაკვირვებია“, – აცხადებს თეიმურაზ შარაშენიძე.
ავტორი
თამთა ასლანიშვილი
