კათოლიკოს-პატრიარქ ილია მეორესთან დაკავშირებულ კონკრეტულ ფაქტს ემოციურად იხსენებს პარტია “ხალხისთვის” ლიდერი, ანა დოლიძე:
“რამდენიმე წლის წინ ერთერთი მეუფის დაბადების დღეზე მოვხვდი. დიდი დღეობა იყო. ბევრი ხალხით. ასე სამი დარბაზი იქნებოდა გავსებული.
ჩვეულებრივი მხიარულება სუფევდა, საუბარი მაგიდებთან, მოგონებები, სადღეგრძელოები. ამ დროს გვერდითა დარბაზიდან ვიღაცამ დაიძახა, პატრიარქი რეკავსო. მეუფემ ყურმილი აიღო. პატრიარქი ურეკავდა მოსალოცად. უცებ ხუთას კაცში ბუზის ბზუილიღა ისმოდა. ხუთი წუთი ხმაურიანი ქართველებით გაჭედილ ამხელა დარბაზებში სიოს ხმა აღწევდა ფანჯრების ღრიჭოებიდან.
ეს იყო პატრიარქი ილია მეორე🙏🖤“, – წერს ანა დოლიძე სოციალურ ქსელში.
