“ამხელა ძალის ერთად თავმოყრა მხოლოდ შესაშინებლად არ ხდება” – ზურაბ ბატიაშვილი

ახლო აღმოსავლეთში სამხედრო ძალის კონცენტრაციაზე, კონკრეტულ ვარაუდზე აკეთებს მინიშნებას აღმოსავლეთმცოდნე, ისტორიის მეცნიერებათა დოქტორი, საქართველოს უნივერსიტეტის ასოცირებული პროფესორი ზურაბ ბატიაშვილი:

“გადაივსო ახლო აღმოსავლეთი ამერიკული სამხედრო თვითმფრინავებით (და არამარტო).

ამავე დროს გზაშია ამერიკული ავიამზიდი და მისი თანმხლები სამხედრო გემების დაჯგუფება.

1-2 კვირა კიდევ დასჭირდება ამ ძალის საბოლოოდ ერთად თავმოყრას.

ამხელა ძალის ერთად თავმოყრა კი მხოლოდ შესაშინებლად არ ხდება.

ყოველ შემთხვევაში, მე ასე მგონია“, – წერს ზურაბ ბატიაშვილი სოციალურ ქსელში.