საქართველოს იუსტიციის უმაღლესი საბჭოს არამოსამართლე წევრი თვლის, რომ ქვეყანაში სასამართლო სისტემა პოლიტიზირებულია, რაც დაადასტურეს ხელისუფლების წევრებმა და მისმა ყველაზე მნიშვნელოვანმა პარტნიორებმა. ანა დოლიძე მოითხოვს, რომ საბჭომ წარმოადგინოს სამოქმედო გეგმა სასამართლოს დამოუკიდებლობისა და დეპოლიტიზაციის შესახებ:
„მოვითხოვ, რომ საბჭომ დააფიქსიროს, თუნდაც ორი თვის შემდეგ, პოზიცია როგორც ორგანომ, რომელიც პასუხისმგებელია ქვეყანაში სასამართლოს დამოუკიდებლობაზე 2020 წლის 8 მარტის შეთანხმებასთან მიმართებაში.
და მეორე – გამობრძანდეს და წარმოადგინოს ხედვა და რეფორმის გეგმა, მაშინ როდესაც დადასტურდა, რომ ამ ქვეყანაში ხელისუფლებამ და მისმა ყველაზე მნიშვნელოვანმა პარტნიორებმა დაადასტურეს, რომ სასამართლო საქართველოში პოლიტიზირებულია და წარმოადგინოს სამოქმედო გეგმა სასამართლოს დამოუკიდებლობისა და დეპოლიტიზაციის,“ – აცხადებს ანა დოლიძე.
ავტორი
თამთა ასლანიშვილი