ანალიტიკოსი ლელა ჯეჯელავა ქართველი ხელოვანების მიმართ მმართველი გუნდის დამოკიდებულენაზე აკეთებს მინიშნებას და “ქართული ოცნების” საპატიო თავმჯდომარე, ბიძინა ივანიშვილთან დაკავშირებით თავი პოზიციას აფიქსირებს, პაატა ბურჭულაძის დაპატიმრების გამო:
“ვნახე კადრები, როგორ გამოხატავს რობერტ დე ნირო თავის პატივისცემას და აღფრთოვანებას სუხიშვილების ხელოვნების მიმართ.
სულ რომ დაივიწყოს ისტორიამ “ქართული ოცნება”, მისი დამოკიდებულება სუხიშვილების ეროვნული ბალეტისა და პაატა ბურჭულაძის მიმართ ყოველთვის იმაზე მეტს მოყვება მათ “ეროვნულობაზე” და ღირებულებებზე ვიდრე ნებისმიერი პოლიტიკური ანალიზი და საარქივო მასალა.
პაატა ბურჭულაძის ციხეში ჯდომა ისტორიის ვერდიქტია ბიძინა ივანიშვილისათვის, რომლისგანაც ვერც გამოქვაბული დაიცავს და ვერც ბუნკერი.
ყველას თავის არჩევანი აქვს. ზოგი ციხეს ირჩევს, ზოგი – გამოქვაბულს!😊😊” – წერს ლელა ჯეჯელავა სოციალურ ქსელში.
