„დეილი მეილ“-ში გამოქვეყნებულ საგამოძიებო სტატიას ეხმიანება პოლიტიკური პლატფორმა “ახალი საქართველოს“ თავმჯდომარე გიორგი ვაშაძე. ოპოზიციონერი ლიდერის განმარტებით არ არის პირველი შემთხვევა, როდესაც საქართველო კიბერსკანდალში ეხვევა და მიუხედავად ხელისუფლების გაცხადებული პოლიტიკისა დასავლეთთან და ევროპასთან ინტეგრაციასა და თანამშრომლობასთან დაკავშირებით, რეალურად მთავრობა თანამშრომლობს რუსეთთან და ახლა უკვე ირანის სპეცსამსახურებთან.
„სამწუხაროდ ეს არ არის პირველი ფაქტი, როდესაც საქართველო ეხვევა მსგავს კიბერსკანდალში. რაც კიდევ ერთხელ მიუთითებს, რომ მიუხედავად საქართველოს ხელისუფლებას გაცხადებული აქვს დასავლეთთან და ევროპასთან თანამშრომლობისა და ინტეგრაციის პოლიტიკა, რეალურად კი თანამშრომლობს ევროპის მტრებთან, თანამშრომლობს რუსეთთან და როგორც ჩანს უკვე ასევე თანამშრომლობს ირანის სპეცსამსახურებთან,“ – აცხადებს გიორგი ვაშაძე
ინფორმაციისთვის: ბრიტანულ გამოცემა „დეილი მეილ“-ში გამოქვეყნდა საგამოძიებო სტატია, სადაც ნათქვამია, რომ ჰაკერებმა მოიპარეს სამედიცინო ჩანაწერები და ამ ჩანაწერების დაბრუნებაში 2 მილიონ ფუნტს ითხოვენ. ასევე აღნიშნულია, რომ ჰაკერების ბაზა საქართველოში მდებარეობს და რუსეთისა და კრემლის უსაფრთხოების სამსახურებს უკავშირდება.
გიორგი ვაშაძის კომენტარს „ახალი საქართველოს“ პრესსამსახური ავრცელებს.
ავტორი
თამთა ასლანიშვილი
