“ახალი საქართველოს” პოლიტსაბჭოს წევრი ეხმიანება განათლების კომიტეტის თავმჯდომარედ გენადი მარგველაშვილის დანიშვნას. ნანა ტოხვაძის აზრით დეპუტატმა ეს თანამდებობა არაფორმალური მმართველისგან მიიღო ლიბერალურ ღირებულებებთან ბრძოლის სანაცვლოდ:
“მას შემდეგ, რაც პარლამენტმა საარჩევნო სისტემის ცვლილების თაობაზე კანონპროექტი ჩააგდო, საპარლამენტო უმრავლესობა 12 დეპუტატმა დატოვა, მათ შორის სამი იყო კომიტეტის თავმჯდომარე, რომელთაგან ერთი-ერთი ვაკანტური – განათლების, მეცნიერებისა და კულტურის კომიტეტის თავმჯდომარის პოსტი გენადი მარგველაშვილმა დაიკავა.
ქუთაისის №47 ოლქის მაჟორიტარმა დეპუტატი, რომელიც საზოგადოებას იმით დაამახსოვრდა, რომ „ზოგადი განათლების შესახებ“ კანონში ერთადერთი ცვლილების ინიაციატორი იყო – ამოეღოთ ტერმინი „ლიბერალური“, როგორც მიუღებელი ღირებულება. საბედნიეროდ, კანონპროექტმა ბარიერი ვერ გადალახა და პირველივე პლენარულ სხდომაზე ჩავარდა, თუმცა არაფორმალური მმართველისგან, ოლიგარქისგან, გენადი მარგველაშვილი ლიბერალურ ღირებულებებთან ბრძოლის სანაცვლოდ განათლების კომიტეტის თავმჯდომარეობით დაჯილდოვდა.
თუ ბიძინა ივანიშვილის ახალ გეგმასაც გავითვალისწინებთ, რაც შეიძლება სწრაფად და ეფექტურად დაცალოს საქართველო და ჩვენი მოქალაქეები დაასაქმოს იაფ მუშახელად დახიზნოს ევროპის მასშტაბით, რადგან მომდევნო ათწლეულშიც ქვეყნის შიგნით მათ დასაქმებას ვერ მოახერხებს, ვინ შეასრულებს ე.წ. “საპარლამენტო სახელმწიფოში” მიცემულ დირექტივებს გენადი მარგველაშვილზე უკეთ?!” – აცხადებს ნანა ტოხვაძე.