დამკვიდრებული ტრადიციის შესაბამისად წელსაც გაიმართა საშობაო მსვლელობა – ალილო.
V-VI საუკუნეებიდან იღებს სათავეს ალილოს ტრადიცია საქართველოში, გარკვეული პერიოდის განმავლობაში შეწყვეტილი იყო და სრულიად საქართველოს კათოლიკოს–პატრიარქის, უწმინდესის და უნეტარესის ილია II კურთხევით ტრადიცია 2000 წელს ისევ აღდგა.
საშობაო მსვლელობა დაიწყო პირველი რესპუბლიკის მოედნიდან 14:00 საათზე და რუსთაველის გამზირის გავლით გაემართა სამების საკათედრო ტაძრისკენ. მსვლელობის მონაწილეები გზად რამდენჯერმე შეჩერდნენ სხვადასხვა ადგილას, სადაც შემომწირველებისგან მიიღეს საშობაო ნობათი – ხილი, ტკბილეულები, რომლებიც შემდგომ დაგანაწილდება ბავშვთა და მოხუცებულთა თავშესაფარებში.
ვიდეოზე: საშობაო მსვლელობა შეჩერდა რუსთაველის გამზირზე, პარლამენტის შენობასთან, თბილისის კლასიკური გიმნაზიის წინ, სადაც მსვლელობის მონაწილეებთან მივიდა პარლამენტის თავმჯდომარე ირაკლი კობახიძე და ფრაქცია “ქართული ოცნების” თავმჯდომარე მამუკა მდინარაძე.