ოქროს გლობუსის დაჯილდოება: მოსალოდნელი თუ მოულოდნელი შედეგები

იმ დროს, როცა საქართველოში შობის დღე თენდებოდა, ლოს ანჯელესში, ბევერლი ჰილტონში “ოქროს გლობუსის” დაჯილდოების 76-ე ცერემონია იმართებოდა.

ცერემონიაზე დაჯილდოვდნენ სხვადასხვა ნომინაციაში გამარჯვებულები – საუკეთესო მხატვრული ფილმები (დრამა, მიუზიკლი), მსახიობები, საუკეთესო უცხოენოვანი ფილმი, სერიალი და სხვა, სულ 25 ნომინაცია.

გაგაცნობთ რამდენიმე ნომინაციაში გამარჯვებულს:

– საუკეთესო მხატვრული ფილმის ნომინაციაში “ოქროს გლობუსი” წილად ხვდა ფილმს “ბოჰემური რაფსოდია” (“Bohemian Rhapsody“), რომელიც ლეგენდარულ ჯგუფ “ქუინ”-ის შესახებაა გადაღებული;

– საუკეთესო მამაკაცის როლის ნომინაციაში გამარჯვებულად აღიარეს რემი მალეკი (Rami Malek), რომელმაც ფრედი მერკურის როლი შეასრულა ფილმში “ბოჰემური რაფსოდია”;

– ქალის როლის საუკეთესო შემსრულებლად აღიარეს და “ოქროს გლობუსის” გამარჯვებული გახდა გლენ ქლოუზი (Glenn Close), მთავარი როლის შესრულებისთვის ფილმში “ცოლი” (“The Wife“);

– კომედიის ან მიუზიკლის ჟანრის საუკეთესო ფილმის ნომინაციაში გამარჯვებულია ფილმი “მწვანე წიგნი” (Green Book);

– უცხოენოვანი საუკეთესო ფილმის ნომინაციაში გამარჯვებულია ალფონსო ქუარონის ავტობიოგრაფიული ფილმი “რომი” (“Roma“). ფილმის სახელწოდებად შერჩეულია მეხიკოს ერთ-ერთი რაიონის დასახელება – რომი, სადაც რეჟისორი გაიზარდა;

– “ოქროს გლობუსი” ასევე გადაეცა მსოფლიო კინოს ლეგენდას – მაიკლ დუგლასს. მას ეს პრიზი გადაეცა სენდი კომინსკის როლის საუკეთესო შესრულებისთვის, სერიალში “კომინსკის მეთოდი“.

როგორც ზემოთ ითქვა, სულ 25 ნომინაციაში გამოვლინდა გამარჯვებული. ასევე, უნდა აღინიშნოს, რომ “ოქროს გლობუსის” ყოველი დაჯილდოება სერიოზულ გავლენას ახდენდა “ოსკარის” ნომინანტების შერჩევაზე. ვნახოთ, რა მოხდება “ოსკარის” წლევანდელ დაჯილდოებაზე.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *