საქართველოს ცენტრალური საარჩევნო კომისიის თავმჯდომარის კანდიდატურის შერჩევასთან დაკავშირებით განცხადებას ავრცელებს საქართველოს პრეზიდენტის საპარლამენტო მდივანი დიმიტრი გაბუნია:
“მინდა გავაკეთო განცხადება, პრეზიდენტის საპარლამენტო მდივნის რანგში, ცესკო-ს თავმჯდომარის კანდიდატურის წარდგენასთან დაკავშირებით.
როგორც მოგეხსენებათ, არჩევნების შედეგების დამტკიცებიდან ერთი კვირის ვადაში პრეზიდენტმა უნდა წარადგინოს თავმჯდომარეობის სამი კანდიდატურა და შესაბამისად, მან უნდა გაიაროს კონსულტაციები არასამთავრობო ორგანიზაციებთან.
ვინაიდან, იყო საპრეზიდენტო არჩევნების მეორე ტური, ცოტა ფორსმაჟორულ სიტუაციაში მოგვიწია ვადებთან დაკავშირებით მუშაობა.
რადგან, ცესკო-მ საბოლოო შედეგები წინა პარასკევს გამოაცხადა, ხვალ ჩვენ ბოლო ვადა გვაქვს. ბუნებრივია, კანონით დადგენილი წესით, ხვალ ცესკო-ს თავმჯდომარეობის სამ კანდიდატურას წარვადგენთ, მას შემდეგ, რაც დღეს, დღის მეორე ნახევარში პრეზიდენტი შეხვდება არასამთავრობო ორგანიზაციებს და მათთან გაივლის კონსულტაციებს“, – განაცხადა საქართველოს პრეზიდენტის საპარლამენტო მდივანმა დიმიტრი გაბუნიამ.