უმნიშვნელოვანესია სახელმწიფომ უზრუნველყოს ბავშვის უსაფრთხო გადაადგილება, მათი სიცოცხლისა და ჯანმრთელობის დაცვა – ეკა ბესელია

პარტია “სამართლიანობისათვის” ლიდერი, პარლამენტარი ეკა ბესელია მსუბუქი ავტომობილებით გადაადგილების დროს საბავშვო სავარძლების გამოყენების ვალდებულებასთან დაკავშირებით პარლამენტში საკანონმდებლო ინიციატივის შეტანასთან დაკავშირებით ავრცელებს ინფორმაციას:

“კანონის პროექტი, რომელიც ეხება მსუბუქი ავტომობილებით გადაადგილების დროს საბავშვო სავარძლების გამოყენების ვალდებულებას.

კანონპროექტის მიხედვით, 12 წლამდე და 135 სანტიმეტრამდე ბავშვის მსუბუქი ავტომობილის უკანა სავარძლით გადაყვანისას გამოყენებულ უნდა იქნეს სპეციალური საბავშვო ეტლი, სავარძელი ან დამჭერი მოწყობილობა, რომელიც შეესაბამება ბავშვის სიმაღლესა და წონას.

რეგულაციები არ გავრცელდება საზოგადოებრივ ტრანსპორტზე თუმცა ეს შემდეგი ეტაპი გახლავთ ,რათა მოემზადონ დროულად .

საქართველოში საგზაო უსაფრთხოების პრობლემა საკმაოდ თვალშისაცემია, რასაც ადასტურებს ბოლო წლებში გახშირებული ავტოსაგზაო შემთხვევების შედეგად დაზარალებულთა რაოდენობის მკვეთრი ზრდის მაჩვენებელი.

შესაბამისად, უმნიშვნელოვანესია, სახელმწიფომ უზრუნველყოს ბავშვის უსაფრთხო გადაადგილება, მათი სიცოცხლისა და ჯანმრთელობის დაცვა.

ცვლილებები სრულ შესაბამისობაშია ევროკავშირის კანონმდებლობასთან. პროექტის მომზადების დროს შესწავლილ იქნა ევროკავშირის ქვეყნების გამოცდილება და სამართლებრივი რეგულაციები.
ეს ინიციატივა ეხება ბავშვებია სიცოცხლის და ჯამრთელობის დაცვას!
ეს კეთდება თქვენი შვილებისთვის!
მადლობა ყველა იმ ორგანიზაციას ვისთან ერთადაც ვიმუშავეთ.
იმედი მაქვს პარლამენტი ამ ინიციატივას მაინც დაუჭერს მხარს.

პ.ს. ტელეკომპანია ,,იმედმა,, ისე გაახმოვანა ეს ინიციატივა დილის საინფორმაციო ეთერში, რომ არც კი გვახსენა ინიციტორები (ჩემი და ზვიად კვაჭანტირაძის გვარი)
ეს ისე”, – წერს ფეისბუკის პირად გვერდზე ეკა ბესელია.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *