უზენაესი მოსამართლეობის მსურველი კანდიდატის მოსამართლე შოთა გეწაძის მიერ ბიძინა ივანიშვილისთვის მოქალაქეობის ჩამორთმევის ფაქტს იხსენებს “ნაციონალური მოძრაობის” პოლიტსაბჭოს თავმჯდომარე და მიაჩნია, რომ ასეთი მოსამართლე, მისი კანდიდატურის მიღების შემთხვევაში, ხელისუფლების ცვლილებისას, “ქართული ოცნების” თავმჯდომარესაც სათანადოდ “დაუფასებს” ამჟამინდელ სიკეთეს:
“მოსამართლე” რომელმაც 2012 წელს ბიძინა ივანიშვილს საქართველოს მოქალაქეობა ჩამოართვა, ამბობს რომ მაშინ “კანონიერად” მოიქცა. ამ ადამიანს დღეს ივანიშვილი ნიშნავს უვადოდ.
ხელისუფლების ცვლილების მერე, რა თქმა უნდა, იგივე მოსამართლე სიამოვნებით და “კანონიერად” გაუშვებს ივანიშვილს ციხეში.
მაგრამ თუ გვინდა ქვეყანა ვიყოთ, პირველ რიგში, ჩვენი ინტერესია რომ ორი სხვადასხვა ხელისუფლების დავალების შემსრულებელ მონებს არასდროს არავის საქმე არ განვასჯევინოთ, მათ შორის არც ივანიშვილის.
სიმართლეა, როცა გვეუბნებიან ეს მოსამართლეობის კანდიდატები ჯალათებად წინა ხელისუფლების დროსაც მუშაობდნენო და ამის უარყოფა და ამაზე ენის მოჩლექვა თვალთმაქცობაა.
განსხვავება შემდეგშია – ივანიშვილი ამ ხალხს 7 წლიანი ექსპლუატაციის შემდეგ უვადოდ ნიშნავს უზენაეს სასამართლოში და ზემოდან ამატებს მის პირად ადიუტანტ შალვა თადუმაძეს“, – წერს ფეისბუკის პირად გვერდზე ნიკა მელია.