პარლამენტის ყოფილი დეპუტატი, ხათუნა ხოფერია ფეისბუკის პირადი გვერდიდან, გიორგი გახარიას მხარდამჭერ პოსტს აქვეყნებს ფეისბუკის პირად გვერდზე:
“ამოხტა გვარამია გალიფედან. გახარიას ნიშნავენო პრემიერ-მინისტრადო. ერი იღუპებაო!!!…
იქით, ოცნებაში, პორტირებულები, ჩანერგილები და ბოკერიასთან “ოპორტუნიზირებულები” ღელავენ.
გატესტვის ყველა ვარიანტი შემოაგდეს. ჯერ ცქიტიშვილიო (ქალია და ეგება წამოეგოს საზოგადოებაო). მერე დანელიაო (ეტყობა, უნდოდათ დაემტკიცებინათ, რომ მეგრელები ვუჭერდით მხარს გახარიას და მეორე მეგრელი გადაწონიდა). სიის პირველი ნომერიო (ვითომ, რაიმე წონა ექნება მიჩმორებულ, ბოკერია-სააკაშვილის მიერ დასჯილ პირველ ნომერს). აქეთ, ხაზარაძე – ჭუტა წერეთელი ბობოქრობს. გახარიას დაწერილი უსტარის ავთენტურობის მსხვერპლნი…
მოკლედ, მარიამობას ვულოცავ შსს მინისტრს!
ღვთისმშობლის კალთა ფარავდეს!
ეგ ყოფილა კაცი!!!
ღმერთმა გაძლება მისცეს!
ჩვენ კი, მოთმინებით დაველოდებით გატესტვის ახალ ვარიანტს!…” – წერს ხათუნა ხოფერია.