კიბერშეტევა ტელეკომპანია “პირველზე” – მოსაზრებები, შეფასებები

როგორც ტელეკომპანია “პირველის” ხელმძღვანელობის განცხადებით გახდა ცნობილი, რომ დღეს დილით დაახლოებით 5 საათისთვის ტელეარხის ცენტრალურ სერვერზე განხორციელდა კიბერშეტევა, რამაც გამოიწვია არხის სრული პარალიზება, რის გამოც შეუძლებელია მისი სრულფასოვანი მაუწყებლობა.

დღეს დილით, არხის ცენტრალურ სერვერზე, განხორციელდა კიბერშეტევა, რამაც გამოიწვია არხის სრული პარალიზება, რის გამოც შეუძლებელია არხის სრულფასოვანი მაუწყებლობა. ეთერში ვერ გავიდა “საქმიანი დილა” და ამ დრომდე ვერ გადის არხის საინფორმაციო და პოლიტიკური გადაცემები“, – ნათქვამია ტელევიზიის მიერ გავრცელებულ განცხადებაში.

აღნიშნულის თაობაზე არხის ხელმძღვანელობამ შეატყობინა შს სამინისტროს, რომლის წარმომადგენლები იმყოფებოდნენ ტელეკომპანიაში და დაიწყეს საგამოძიებო ღონისძიებები.

ფაქტობრივად ვიდეო არქივი განადგურებულია. სერვერი, ანუ მოწყობილობა, ტექნიკური ბაზა, რომლითაც შეიძლება მასალის მიწოდება მაყურებლისთვის, ესეც არის შეტევის ქვეშ დავირუსებული და შეუძლებელია მისი გამოყენება. ფაქტობრივად ჩვენ მხოლოდ შეგვიძლია “ლაივ-რეჟიმში” მაუწყებლობა. ახალი ამბები ვერ გავა ეთერში, ამიტომ მე შევეცდები მხოლოდ ერთი კამერის და რამდენიმე ჩართვის აპარატის საშუალებით პირდაპირ ეთერში რაც ხდება დღეს, რაც მოხდება ის გადავცეთ მაყურებელს” – განაცხადა არხის ჟურნალისტმა დიანა ტრაპაიძემ

კიბერუსაფრთხოების სპეციალისტის გიორგი გვასალია, ტელეკომპანიის IT-სპეციალისტების განმარტებებზე დაყრდნობით, აცხადებს, რომ ეს არის კრიპტოვირუსი, რომელიც მოხვდა ერთ-ერთ სერვერზე, საიდანაც ხდებოდა ფაილების გადანაწილება სხვა სერვერებზე და ქსელის მეშვეობით გავრცელდა სხვა კომპიუტერებზეც.

აღნიშნულ ფაქტს გამოეხმაურა პარლამენტის თავმჯდომარეც.

თუ მოხდა კიბერშეტევა და კიბერთავდასხმა, მე გარწმუნებთ, რომ სახელმწიფო გააკეთებს ყველაფერს იმისთვის, რათა ეს დანაშაული, თუ ის მოხდა, იყოს გამოძიებული სათანადოდ. ეს არის კომპლექსური, საკმაოდ რთული საქმე  და რთული სფეროა გამოძიებისთვის, თუმცა ძალისხმევას, დარწმუნებული ვარ, შესაბამისი სამსახურები არ დააკლებენ” – განაცხადა არჩილ თალაკვაძემ.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *