“ქართული ოცნების” პოლიტიკური მდივანი ირაკლი ღარიბაშვილი უმწვავეს პოზიციას აფიქსირებს “ნაციონალური მოძრაობის”, ტელეკომპანის “რუსთავი 2”-ის და ლგებტ მოძრაობის წარმომადგენლებთან მიმართებაში:
“ყოველგვარი “პოლიტკორექტულობის” გარეშე, მინდა ღიად დავაფიქსირო ჩემი პირადი მოსაზრება: არ არსებობს დღეს ქვეყანაში იმაზე უფრო ბინძური და ანტისახელმწიფოებრივი ძალა, ვიდრე ნაციონალური მოძრაობა და მათი ტელეარხი რუსთავი 2.
ეს არის დანაშაულებრივი ორგანიზაცია, რომელიც ყოველდღე გეგმავს და ახორციელებს საშიშ პროვოკაციებს სახელმწიფოს და ხალხის წინააღმდეგ.
დღეს რაც მოვისმინეთ რ2-ის ეთერში არის ჩვენი ქვეყნის და თანამოქალაქეების წინააღმდეგ დაგეგმილი მორიგი მზაკვრული შეთქმულების ნაწილი, ისევე როგორც ხვალ დაანონსებული ე.წ. “ლგბტ” წარმომადგენლების “პროვოკაციული მარში”, რომელიც რეალურად იმართება ნაციონალური მოძრაობის ორგანიზებით” – განაცხადა ირაკლი ღარიბაშვილმა.