სამცხე-ჯავახეთის სამხარეო ადმინისტრაციაში სახელმწიფო რწმუნებულის მესამე მოადგილედ ცნობილი მომღერალი, “ქუჩის ბიჭების” წევრი ზურა ხაჩიძე დაინიშნა. იგი სახელმწიფო რწმუნებულის ადმინისტრაციაში კურირებას ადგილობრივი თვითმმართველობის ორგანოებთან ურთიერთობის სამსახურს გაუწევს და ამავდროულად, როგორც ზურა ხაჩიძე აცხადებს, რეგიონში იმუშავებს კულტურული, ტურისტული, სპორტის და საგანმანათლებლო მიმართულებით. ასევე აქტიურად იქნება ჩართული რეგიონის პოპულარიზაციის საქმეში, ტურისტული თემების განსავითარებლად და პიარისთვის.
ცნობისათვის: 2016 წლის საპარლამენტო არჩევნებზე “პატრიოტთა ალიანსმა”, ზურა ხაჩიძე, ბორჯომისა და ასპინძის მაჟორიტარი დეპუტატობის კანდიდატად წარადგინა და ამომრჩეველთა ხმების 12.38% მიიღო.
კომენტარები - დატოვეთ თქვენი მოსაზრება