ა.წ. 27 აგვისტოს ფეისბუკის საკუთარ გვერდზე სკანდალური ბრალდებები გამოაქვეყნა ხატია ჯანაშიამ:
“ძალიან დიდი იმედი მაქვს იმისა, რომ სახელმწიფო აუდიტი და შინაგან საქმეთა სამინისტრო დაინტერესდებიან ზუგდიდის მუნიციპალიტეტში არსებული პრობლემებით! გასარკვევია რა ხდება ზუგდიდის მუნიციპალიტეტის მერიის დაქვემდებარებაში არსებულ გაერთიანებულ აიპიებში?! რატომ მოხდა წელს ორჯერ ხელფასის სეკვესტრი?! რატომ არ დაგვერიცხა იანვრის ხელფასი?! რატომ არის საქართველოს შრომის კოდექსი დარღვეული?! რატომ დაიწყო სეკვესტრის მერე არამიზნობრივი რემონტი კომბინატის ხელოვნებისა და კულტურის განვითარების ცენტრში?! რატომ აყარეს პარკეტი და რატომ მოუწიათ ცხრაჯერ მეტლახის დაგება?! რატომ არის ბიუჯეტის თანხები გაფლანგული და რატომ მოაკლდა ხალხს ისედაც მიზერულ ხელფასზე 20-20%?! რატომ გვეუბნებიან მერიაში “შრომის კოდექსით კარგახანია არ ვხელმძღვანელობთო”?! თუ ბიუჯეტს უჭირს, (ჯერ გასარკვევია რატომ გაუჭირდა)!!! რატომ ეჭრებათ ხელფასი მხოლოდ ააიპ-ებში და რატომ იცავს კანონი მერიის, ზოგადად საჯარო მოხელეების უფლებებს და რატომ არის ფეხქვეშ გათელილი ააიპ-ების თანამშრომლების უფლებები?! აი ასეთი პასუხით გამომისტუმრეს მერიიდან და რას ნიშნავს იქნებ ესეც აახსნევინონ სახელმწიფო აუდიტიდან ჩამოსულებმა ამ კომპეტენტურებს!!! ამ კომენტარის მერე არ გამოვრიცხავ მერიაში მესამედ დამიბარონ და მუქარითა და გონორით მითხრან: “რა იყო ხატია, კანონის ენაზე დაგვიწყე საუბარი”-ო?!…. ოღონდ კანონის ენაზე საუბარი უკანონობად როდის მერე ითვლება ეგ ვერ გავიგე და მაინც, კომბინატის ხელოვნებისა და კულტურის განვითარების ცენტრთან რამოდენიმე ააიპ-ის გაერთიანების და ახალი დირექტორ-იურისტის დანიშვნის მერე რა ჯანდაბა ხდება ეგაა გასარკვევი თან სასწრაფოდ!!! ამდენი ცინიზმი, ამდენი აგრესია, ამდენი დაცინვა, არამიზნობრივი ხარჯები, ყოველი კონცერტისთვის განათების დაქირავებაში გადახდილი 2100 ლარები! მაშინ როცა ბიუჯეტში თანხა არ გვყოფნისო და ორჯერ მოახდინეს ხელფასის სეკვესტრი! უხარისხო მეტლახში გადახდილი 30000 ლარი!!! რაც იმას ნიშნავს რომ კანონი დაირღვა, რადგანაც, როდესაც ხდება სახელფასო სეკვესტრი, სახელფასო ფონდის ხელის ხლება, არავითარ შემთხვევაში არ შეიძლება, სარემონტო თუ ინფრასტრუქტურული საქმიანობის ან კიდევ სხვა ღონისძიების განხორციელება, მიუხედავად იმისა, ბიუჯეტში რემონტისთვის გამოყოფილიც რომ იყოს თანხა, უნდა შეჩერდეს!!!!
თუ არსებობდა 2100 ლარები, 30000 ლარები უაზრობებში დასახარჯად ისედაც გამათხოვრებულ ხალხს რატომ ასეკვესტრებდით 40%-ით?!…
გასარკვევია ვინ ლობირებს მსგავს არაპროფესიონალებს, არაკომპეტენტურებსა და საქმის მიმართ აბსოლიტურად უვიცებს?! ხელოვნებისა და კულტურის განვითარების გარდა მანდ ყველაფერი ხდება!!!! რატომ ახდევინებენ საკუთარ თანამშრომლებს, საკუთარი სამსახურეობრივი მოვალეობის შესრულებაში, საკუთარ სამსახურში არენდის თანხას?! ეგეც გაერთიანების და ახალი დირექტორის დანიშვნის მერე ხდება!!!! ერთ დროს ვთქვი და განვმეორდები, კულტურაში უკულტუროებს არაფერი ესაქმებათთქო, ხელოვნურობისა და უკულტურობის განვითარების ცენტრად იქცა ხელოვნებისა და კულტურის განვითარების ცენტრი.
ყველაფერი გამოსაძიებელია, აქ ვერ დავწერ (ფორმატი არ მეყოფა) კიდევ უამრავ დარღვევაზე სალაპარაკოდ, ამიტომაც უნდა მოხდეს სახელმწიფო აუდიტისა და საქართველოს შინაგან საქმეთა სამინისტროს მხრიდან ამ ყველაფრის გამოძიება!!!”
და აღნიშნულ ბრალდებებზე რეაგირებისთვის მიმართა ცალკეულ უწყებებს
შინაგან საქმეთა სამინისტრო / Ministry of Internal Affairs of Georgia
განათლების, მეცნიერების, კულტურისა და სპორტის სამინისტრო
საჯარო სამსახურის ბიურო / Civil Service Bureau of Georgia
ამ ბრალდებებს გამოეხმაურა ზუგდიდის მუნიციპალიტეტის მერი, ლაშა გოგია:
“დღესვე დავავალე შიდა აუდიტისა და ინსპექტირების სამსახურს მოიკვლიონ და შეისწავლონ კონკრეტულ ააიპ-ში არსებული ვითარება. სრული პასუხისმგებლობით ვაცხადებ, რომ არც ერთ უკანონო ქმედებას არ დავუშვებ და ნებისმიერი მოქალაქის მსგავსი განცხადება უყურადღებოდ არც რჩებოდა და არც მომავალში დარჩება. აუდიტის დასკვნის შემდეგ, უკანონო ქმედების გამოვლენის შემთხვევაში, ფაქტზე უმკაცრესი და სწრაფი რეაგირება მოხდება”.
მერიის მხრიდან გაკეთებული განცხადება ლოგიკურ გაგრძელებად მიიჩნია ხატია ჯანაშიამ, რაც ახალ სტატუსში გააჟღერა:
“ოფიციალური რეაგირება მერისგან მოყვა სტატუსს, რომელიც გამოვაქვეყნე 2 დღის წინ, შიდა აუდიტის სამსახურის მიერ მიმდინარეობს მოკვლევა იმ ფაქტებზე რაც დავწერე. იმედს ვიტოვებ რომ სწორად წარიმართება გამოძიება, რადგან ამას არა მხოლოდ მე, არამედ საზოგადოება და სხვა საჭირო ინსტანციებიც ადევნებენ თვალს!
P.S “ისეთ საფუძველს შეგითხზავ, ვერც ერთ ინსტანციაში ვერ მოიგებ”!!! იმედი მაქვს ასეთი მუქარის ავტორი იურისტი მალე აღმოჩნდება “ღირსეულ” ადგილას!!!!”