ეს ჩვენი ისტორიაა და ის იწვის, ღვთისმშობლის ტაძარს ყველა ერთად აღვადგენთ – ემანუელ მაკრონი

საფრანგეთის და მთლიანად მსოფლიოს საამაყო საგანძურის, პარიზის ღვთიშობლის ტაძარზე გაჩენილმა ხანზარმა მსოფლიო შოკში ჩააგდო. ფაქტი უდიდეს ტრაგედიად შეფასდა.

გავრცელებული ინფორმაციების თანახმად, ხანძარი ძირითადად გავრცელდა ჯვრის ფორმის გუმბათზე, მასზე აღმართული სვეტის ჩათვლით, რომელიც შემდგომში ჩაინგრა.

წინასწარი ინფორმაციით, ხანძრის გამომწვევ ერთ ერთ სავარაუდო მიზეზად ტაძრის სარესტავრაციო სამუშაოები სახელდება.

ძალზე მძიმედ განიცადა აღნიშნული ფაქტი საფრანგეთის პრეზიდენტმა.

“მინდა მივმართო ყველა ფრანგს… პარიზის მერი მთელი ეს დრო იმყოფება აქ და ვიცი რას გრძნობდა იგი ხანძრის გაჩენის პირველი წუთებიდან, რას გრძნობდნენ ქალაქის მაცხოვრებლები. და მე მინდა მივმართო თანამემამულეებს – ღვთისმშობლის ტაძარი ეს ჩვენი ისტორიაა, ჩვენი ლიტერატურა, ჩვენი წარმოსახვა. ადგილი, სადაც გადავიტანეთ მნიშვნელოვანი მომენტები – ეპიდემიები, ომები, ჩვენი განთავისუფლება. ეს, ჩვენი ცხოვრების ეპიცენტრია. ეს, მანძილის ათვლის ეტალონია…

ეს ჩვენი ისტორიაა და ის იწვის. ღვთისმშობლის ტაძარს ჩვენ ყველა ერთად აღვადგენთ ” – განაცხადა ემანუელ მაკრონმა.

საფრანგეთის ლიდერმა ასევე განაცხადა, რომ პარიზის ღვთისმშობლის ტაძარს ხუთ წელში აღადგენენ და იგი უფრო ლამაზი იქნება.

“ჩვენ აღვადგენთ ტაძარს, იმიტომ რომ ამას ელოდებიან ფრანგები, ეს ჩვენი ისტორიის ღირსების საქმეა, ეს ჩვენი ბედია” – აღნიშნა საფრანგეთის პრეზიდენტმა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *