საქართველოში სასამართლოს მიმართ ნდობასთან დაკავშირებით არასამთავრობო ორგანიზაცია “საერთაშორისო გამჭვირვალობა – საქართველოს” დაკვეთით ჩატარებული გამოკითხვის შედეგებზე ისაუბრა ეკა გიგაურმა.
როგორც ორგანიზაციის ხელმძღვანელმა განაცხადა – “საერთაშორისო გამჭვირვალობა – საქართველოს” დაკვეთით 2019 წლის 20 თებერვლიდან 5 მარტის პერიოდში „კავკასიის კვლევითი რესურსების ცენტრის” (CRRC) მიერ მთელი ქვეყნის მასშტაბით ჩატარდა, ჯამში 2087 ადამიანის გამოკითხვა, ხოლო საშუალო ცდომილება 2,3%-ს შეადგენს.
ეკა გიგაურმა ყურადღება გაამახვილა ჩატარებული გამოკითვის ცალკეულ შედეგებზე:
“გამოკითხვით 53% ფიქრობს, რომ სასამართლო სასამართლო არის მმართველი პარტიის გავლენის ქვეშ 50 პროცენტს მიაჩნია, რომ სასამართლო არ არის სამართლიანი.
მნიშვნელოვანია ასევე ვიცოდეთ, რომ ჩვენი მოსახლეობის 43%-ის აზრის მიხედვით სასამართლო სისტემაში მოსამართლეთა გავლენიანი ჯგუფი არსებობს, ამათგან 87% თვლის, რომ ეს გავლენიანი ჯგუფი ხელისუფლების მხარდაჭერით სარგებლობს. ასევე 94% თვლის, რომ კლანის წევრებმა უნდა დატოვონ სასამართლო სისტემა.
ასევე მნიშვნელოვანია, რომ ჩვენი მოსახლეობის 83% თვლის, რომ ის მოსამართლეები, რომლებიც უსამართლო გადაწყვეტილებას იღებდნენ, მათ უნდა დატოვონ სასამართლო სისტემა” – აღნიშნა ეკა გიგაურმა.
“საერთაშორისო გამჭვირვალობა – საქართველოს” მიერ წარმოდგენილი გამოკითხვის შედეგები