დეპუტატ არჩილ თალაკვაძის ბინის გაქურდვის ფაქტი ცხელ კვალზე გაიხსნა

საპარლამენტო უმრავლესობის ლიდერის, არჩილ თალაკვაძის საცხოვრებელი ბინის გაქურდვის ფაქტზე სამართალდამცავმა ორგანოებმა ერთი პირი დააკავეს. უნდა აღინიშნოს, რომ დანაშაული ოპერატიულად, ცხელ კვალზე გაიხსნა.

როგორც შს სამინისტროს პრესცენტრი იუწყება, შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად ქურდობის ბრალდებით 1989 წელს დაბადებული ა.ს. დააკავეს.

დანაშაული 4-დან 7 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა 14 მარტს, თბილისში, ნუცუბიძის ქუჩაზე, დეპუტატ არჩილ თალაკვაძის საცხოვრებელ ბინაში უკანონოდ შეაღწია, მცირე ზომის სეიფი მოიპარა და შემთხვევის ადგილიდან მიიმალა. სეიფში გარკვეული ოდენობის ფული და არჩილ თალაკვაძის სახელზე რეგისტრირებული ცეცხლსასროლი იარაღი ინახებოდა.

სამართალდამცველებმა, ნაქურდალი თანხა და ცეცხლსასროლი იარაღი ნივთმტკიცებად ამოიღეს.

გამოძიება ბინაში უკანონო შეღწევით ჩადენილ ქურდობის ფაქტზე, საქართველოს სისხლის სამართლის კოდექსის 177-ე მუხლის მე-3 ნაწილის „გ“ ქვეპუნქტით მიმდინარეობს.

You May Also Like

One thought on “დეპუტატ არჩილ თალაკვაძის ბინის გაქურდვის ფაქტი ცხელ კვალზე გაიხსნა

  1. ამ შემთხვევამ მეხსიერებიდან ეს სხარტულა ამოატივტივა: ქურდის ქურდი ცხინდა-ო.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *