მამუკა ხაზარაძის მიერ ხსენებული სკანდალური წერილის ტექსტის შინაარსი ცნობილია

როგორც ცნობილია საქართველოს გენერალურმა პროკურატურამ გაასაჯაროვა მამუკა ხაზარაძის მიერ სასამართლოში წარდგენილი მუქარისშემცველი წერილის გრაფიკულ ასლი, რომელიც შემდეგი შინაარსისაა:

  • დადასტურებულად ვიცით, რომ გვებრძვით და საქმე არ ეხება მხოლოდ ფინანსებს;
  • ჩვენ ვთქვით, რომ მზად ვართ მოლაპარაკებებისთვის, თუმცა თქვენი მხრიდან გრძელდება დესტრუქციული ქმედებები.

ყველანაირი წინაპირობის გარეშე:

  1. უახლოეს 5 დღეში TV1 უნდა დაჯდეს TV იმედის ტრენდზე, გადავიდეს მაუწყებლობის საგანგებო რეჟიმზე (ეს უნდა დავინახოთ არხის სარედაქციო პოლიტიკიდან).
  2. მ.ხ-მ (სავარაუდოდ, მამუკა ხაზარაძე – ავტ.) უნდა გააკეთოს ოფიციალური განცხადება, რომ მისთვის მიუღებელია ნაციონალური მოძრაობის რევანში. ქართულ ბიზნესს კარგად ახსოვს, როგორ ექცეოდნენ მას ნაციონალური მოძრაობის პირობებში და რომ ამის გამეორება მიუღებელია. მან უნდა მოუწოდოს ბიზნესმენებს, მათ ვისაც მსგავსი პოზიცია აქვთ, გაერთიანდნენ და ერთობლივად იმოქმედონ ( შემდეგ უკვე მისი ინტერპრეტაციაა შესაძლებელი)
  3. არტარეას უნდა დაეტყოს ობიექტურობის მაღალი ხარისხი.

 

  • ამ შემთხვევაში ჩვენ მზად ვართ, ვაწარმოოთ ჯანსაღი მოლაპარაკებები ყველანაირი წინაპირობის გარეშე.
  • წინააღმდეგ შემთხვევაში, ჩვენ გამოვიყენებთ ჩვენს ხელთ არსებულ ყველა სამართლებრივ და ობიექტურ საშუალებას და გავაკეთებთ ამას საჯაროდ, შიდა და საერთაშორისო მოხმარებისთვის.

მამუკა ხაზარაძის მიმართ მუქარას კატეგორიულად უარყოფს შს მინისტრი, გიორგი გახარია, ბანკირის მხრიდან ჭორაობას უწოდებს ყოველივე ამას და აცხადებს – “მე წერილებს არ ვწერ, მე სათქმელს პირდაპირ ვეუბნები და პირში ყველას“.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *